حنيني التمر

السلام عليكم ورحمه الله وبركاته

من المكولات الشعبيه الشتويه

الحنيني

ومن مايعرف الحنيني

طبعا حبيت احط الطريقه للذكري

مرات تتنح عقولنا ونصير مانتذكر الاشياء العاديه والي دايم نسويها

المهم ماطول عليكم


انا هالمره مسكت لكم المقدار

المقادير:
2كوب طحين ابيض
3 اكواب حطين بر
ملعقه كبيره بكنج بودر
فنجالين سكر مطحون

نعجنهم في مويه ولما نعجن تكون تتلزق يعني لينه
وندهن الصينيه زيت مره ونحط العجينه
ثم ندهن العجينه من فوق بزيت
وندخلها الفرن ع اقل درجه عندي 125
لمده يمكن ساعتين لانو تطوول اهم شي تستوي ع نار هاديه

وبكذا بعد ماطلعت الخبزه

الحين نحاول نقطع الاطراف والوجه ونحط عليهم تمر اخلاص وشويه زبده علشان تلين
ونطحنهم لحالهم زين
والوسط نحط عليه تمر ونطحن لحاله

زوم




وهذي النتيجه
بس التصوير كان بايخ
مو مطلع الوانه زين

ترا لونه زي الي داخل الخلاط