كيك الشكولا بالمرشملو

السلام عليكم ورحمه الله وبركاته

ثاني تدوينه :) فحبيت احطها جديده قبل انقل الحلويات الي بمدونتي الاولى :)

انا لما القي شي يعجبني اضيفه بالمفضله

فببدى اطلع الي بمفضلتي واجرب ع راحتي :)

كيكه شكولاته بالمرشملو المغطي بالشكولاته>> اطول عنوان ههههههه

المقادير

طبقه 1:
مجموعه أ:

1 كاس طحين
ربع كاس شكولاته بودره
ثلاث ارباع ملعقه الشاهي بكنج صودا (استبدلته بكنج بودر )
ربع ملعقه شاهي ملح


مجموعه ب :
نص كاس سكر بني
ربع كوب زبده غير مملحه ( انا حطيت نص اصبع زبده وضبطت
2 بيض
ربع كوب حليب

طبقه 2:
نص كوب زبده غير مملحه ( بدالها نص اصبع زبده )
1 كاس سكر مطحون او سكر الحلويات
فانيليا
كوب كريمه المرشملو( بدالها جبت مارشملو عادي وذوبته مع الزبده الي بالمقادير

طبقه 3:
جالكسي ساده مذوب بحمام مائي



الطريقه:
نخلط المجموعه أ ونحطها ع جنب
ونخلط مجموعه ب ونبدى نضيف مجموعه أ على ب بالتدريج

بعدها نوزع الكيك ع ورق الزبده مثل ما في الصوره
وندخلها الفرن على درجه 200 ونخليها عشر دقايق تقريبا
لكن يكون بوسط الفرن مو تحت مره الصينيه
نشيك بالشوكه اذا جواتها ناشفه وناضجه نطلعها ونخليها تبرد

طبقه 2
نخلطها مع بعض ونبدى نوزعها عالكيك
( اذا مستعمله مرشملو عادي مثلي بيكون نذوب الزبده ونحط المرشمولو ونحرك لييين يسيح
ثم نحطها بصحن ونضيف السكر البودره ونقلب
بس انتبهي مرره حاار
وحاولي توزعينه وهو حار علشان مايجمد
بس جد انتبهو ترا مررره حاار

طبقه 3
نسيح جلكسي ساده ونغطي طبقه المرشملو

وندخلها الفريزر ثم الثلاجه لوقت التقديم

هنا صور الخطوات :)





وهنا ال مره سويتها
كانو كبار مره ومسمكه الكيك
وطبقه المرشملو :)
واشكالهم تضحك هع





طبعا الوصفه من مدونه اجنبيه على هذا الرابط

اتمني تعجبكم :)